Нийслэлийн удирдах ажилтнуудын шуурхай зөвлөгөөн өнөөдөр /2021.11.15/ боллоо. Энэ үеэр өнгөрөгч Баасан гарагт Энхтайвны гүүрэн дээр гарсан ослын талаар холбогдох албаныхан мэдээлэл өглөө.
Тодруулбал, эсрэг урсгалд явсан жижиг тэрэг автобусны дугуйг мөргөснөөс осол гарсан. Автобусанд зорчигч яваагүй. Гэхдээ жолооч толгой нь хагарсан байдалтай эмчлэгдэж байна. Ноцтой гэмтэл аваагүй хэмээн ТЦА-наас мэдээлсэн юм. Иймд халтиргаа гулгааны улирал эхэлж байгаа учир жолооч нар анхаарал болгоомжтой хөдөлгөөнд оролцохыг уриалж байна.
