Ногоон автобусны худалдан авах ажиллагааг хянан шалгах түр хорооны нээлттэй сонсгол өнөөдөр эхэлсэн билээ. Сонсголын эхний хэсэгт худалдан авалтыг төрийн нууцад оруулсан болон сонгон шалгаруулалтыг хэрхэн хийсэн талаарх мэдээллийг сонсов.

Өнөөдрийн сонсголд Хотын дарга асан Д.Сумъяабазар гэрчээр дуудагдсан боловч ирсэнгүй. Уг нь тэрбээр сонсголд оролцоно гэдгээ түр хороонд мэдэгдсэн гэдгийг Түр хорооны дарга Ж.Бат-Эрдэнэ мэдэгдлээ.