Covid-19-ийн халдварын улмаас Замын-Үүд, Эрээний хилийг өнгөрөгч аравдугаар сарын 14-нөөс түр хугацаагаар хааж, хөл хорио тогтоогоод буй. Одоогийн байдлаар Эрээн хотод 19 тохиолдол бүртгэгдээд байгаа ба хилээ хэзээ нээх эсэх нь тодорхойгүй байгаа болохыг албаны эх сурвалж мэдээлж байна.

Тэгвэл хилээ нээх тал дээр хэрхэн ажиллаж байгаа талаар ГХ-ны дэд сайд Б.Мөнхжин "Гадаад улс ямархуу шийдвэр гаргах, цаашид хэрхэх эсэхийг өмнөөс нь хэлэхэд хэцүү. Тухайн улсын дотоодын халдварын нөхцөл байдал зэргээс маш их зүйл шалтгаална. Халдвараа хяналтад авчихбал хилийн хязгаарлалтуудаа багасгаж, хэвийн байдалд шилжих нөхцөл үүсч болно. Бусад улсуудад хэн их худалдан авалт хийж, нөөцлөх нь аль аль талдаа сөрөг үр дагавартай байдаг болохыг өмнөх жилийн хугацаанд харлаа шүү дээ. Тэгэхээр бараа бүтээгдэхүүнээ хэт их нөөцлөх хэрэггүй л гэж хэлье" гэлээ.