Найруулагч Ц. Хүсэлбаатарын ээлжит уран бүтээл “Хиртээгүй сарнай” МУСК-ны албан ёсны постер цацагдлаа. Тус кино нь ирэх сарын 19-ны өдөр бүх кино театруудаар нээлт хийж, үзэгчдийн хүртээл болох юм.
“Хиртээгүй сарнай” киноны ерөнхий продюсераар найруулагч Ц.Хүсэлбаатарын эхнэр МУГЖ С.Өлзийхүү ажилласан бол гол дүрд түүний охин Х.Баярмаа болон жүжигчин О.Амгаланбаатар нар тогложээ.
Уг киноны дууг “Тоонот” студийн уран бүтээлч Jason буюу жүжигчин, дуучин Б.Баяржавхлан дуулж энэ сарын 25-ны өдөр сонсогчдын хүртээл болгосон байна.
