Энэ сарын 24-ний өдөр буюу өчигдөр Серби улсын Белград хотод сонирхогчдын боксын ДАШТ нээлтээ хийсэн. Өнөөдөр тус тэмцээний сугалаа явагдаж өндөрлөлөө. Тэмцээний жин тус бүрд алтан медаль авсан тамирчид 100.000 ам доллараар шагнуулах бол, мөнгөн медаль 50.000 ам доллар, хүрэл медаль 25.000 ам долларын мөнгөн шагналтай юм.

Сугалаа явагдаж:

48 кг: Г.Ган-Эрдэнэ – Тапа Рабин (Балба)

51 кг: Х. Энхмандах – Масуд Юсифзаде (Азербайжан)

54 кг: Э.Баярсайхан – Патипан Утайда (Тайланд)

57кг: Х.Энх-Амар – Сэрик Тэмиржанов (Казахстан)

60кг: О.Тулга – Пилипп Доннел (Тринидад Тобаго)

63.5кг: Б.Мишээлт – Vasilleios Makrygiannis (Грек)

67кг: Б.Чинзориг – Карлос Тобар (Гватемал)

71кг: О.Бямба-Эрдэнэ-эхний тойрогт гоц мөргөж, дараагийн тойрогт Польшийн Доминик Кида, Тайландын Peerapat Yeasungnoen нарын ялсантай тулалдах юм.

75кг-ын жинд явсан МУГТ У.Мөнхэрдэнэ халдвар авсны улмаас сугалаанд оролцоогүй билээ.

Жин тус бүрт түрүүлсэн тамирчинд дэлхийн аварга хэмээх тодотголтой бүс өгөхөөс гадна медалийг цул алт, мөнгөөр урлажээ.

Д.Идэрбат