НОК-ын хэвлэлийн хурлын үеэр халдварын тоон мэдээлэлд түргэвчилсэн шинжилгээнд хамрагдаж буй хүмүүсийг оруулж байгаа талаар НЭМГ-ын дарга Б.Бямбадоржоос тодруулахад "ЭМЯ-наас ПСР шинжилгээтэй уялдуулан мөн түргэвчилсэн оношлууруудад үнэлгээ хийж есөн зөвшөөрөгдсөн оношлуурыг хэрэглэхийг зөвлөсөн. Чанарын шаардлага хангасан оношлуур хэрэглэж байгаа нөхцөлд баттай гэж хэлж болно. ПСР шинжилгээг ойрын хавьтал, өндөр эрсдэлтэй иргэдээс тандалтын баг очиж авч байгаа. Нийслэлийн хэмжээнд ПСР болон түргэвчилсэн шинжилгээ, мөн шинж тэмдэг илэрсэн хүмүүсийг нэгтгээд мэдээлж байгаа. Энэ нь практик тусламж үйлчилгээ үзүүлэх, хяналтад хамруулахад ач холбогдолтой" гэлээ.