"No double standard" хөдөлгөөнийг зохион байгуулсан иргэн Д.Монголхүүг Сүхбаатар дүүргийн цагдаагийн хэлтсээс баривчилж, прокурорын байгууллагаас түүнийг 30 хоног хорих хүсэлтээ шүүхэд хүргүүлээд байсан юм. Гэвч шүүх хянан хэлэлцээд прокурорын саналаас татгалзаж, өчигдөр буюу 10 дугаар сарын 7-нд иргэн Д.Монголхүүг суллах шийдвэрийг гаргасан.
Гэвч прокурорын байгууллагаас шүүхийн шийдвэрийг эсэргүүцэж Ерөнхий шүүгчид гомдол гаргажээ. Улмаар прокурорын байгууллагаас ирүүлсэн гомдлыг шүүх дахин авч хэлэлцээд иргэн Д.Монголхүүг 30 хоногийн хугацаатай хорих шийдвэр гаргасан байна.
