Киргизстанаас Э.Цэндбаатарыг ДАШТ-нд өөрийн орны нэрийн өмнөөс тоглох санал тавьсан гэх мэдээлэл цацагдаад байна. Энэ талаар Монголын боксын холбооны Ерөнхий нарийн бичгийн дарга Э.Сайнбилэгээс тодруулахад "Одоогоор бидэнд ямар нэгэн мэдээлэл алга. Мэдэхгүй байна. Гэхдээ Э.Цэндбаатар шигшээ багаас хасагдсан. Тиймээс ДАШТ-ээс хаанаас оролцох нь өөрийнх нь сонголт шүү дээ" гэсэн хариулт өглөө.
Мэдээллээр, Киргизстан улс түүнд тэмцээнээс өмнө иргэншил өгч, ДАШТ-ний 60 кг жинд оролцох нөхцлөөр хангахаар болсон байна. Тодруулбал, түүнд сарын 15 сая төгрөгийн цалин, унаа, байраар хангах санал тавьсан гэжээ.
Жүдогийн тамирчин Г.Отгонцэцэг Казахстаны иргэншлээр, харин буудлагын тамирчин Д.Мөнхбаяр Германы нэрийн өмнөөс ДАШТ, олимпт оролцож байсан юм.
