УИХ-ын намрын чуулган нээлтээ хийлээ. Өнгөрсөн жилийн намрын болон хаврын чуулганыг танхимаар болон цахимаар хосолсон хэлбэрээр зохион байгуулж байсан бол энэ удаагийн намрын чуулганыг 100 хувь танхимаар зохион байгуулах бөгөөд гишүүд түргэвчилсэн шинжилгээ өгч, хуралдаанд оролцох болжээ.
Энэ талаар УИХ-ын дарга Г.Занданшатар "Өнөөдрөөс эхлээд УИХ-ын гишүүд түргэвчилсэн шинжилгээ өгч халдвар хамгааллын дэглэмээ сахин шинэ хэвийн горимоор танхимаар хуралдаж эхэлж байна. Цаашдаа энэ горимоор танхимаар хуралдана" гэсэн юм.
