Ардчилсан намаас "Одоо боллоо" бүх нийтийн цуглааны талаар мэдээлэл хийн аравдугаар сарын 1-нд буюу маргааш бүх нийтийн цуглааныг зохион байгуулахаа мэдэгдсэн. Тэгвэл үүнтэй холбогдуулан цуглааныг зохион байгуулагчдад цагдаагийн байгууллагаас шаардлага хүргүүлсэн билээ.

Тэгвэл энэ талаар Улаанбаатар хотын засаг дарга асан, УИХ-ын нөхөн сонгуулийн 28 дугаар тойрогт Ардчилсан намаас нэр дэвшиж буй Э.Бат-Үүл байр сууриа илэрхийллээ.

Тэрбээр "Хөөрхий,манай намын маргаашын цуглааныг хийлгэхгүй гэж Талбай дээр элдэв саад хориг босгох юм!Би хотын дарга байхдаа МАН-ын цуглаанд зориулан талбайг нь чөлөөлж,цагдаа маань угтаж үйлчилдэг байсан.Ардчилсан үзэлтэй дарга иргэдийнхээ эсэргүүцэл,цуглаанаар бахархдаг юм шүү дээ" гэжээ.