Улсын хэмжээнд танхимын сургалтаас цахимд шилжсэн 200 гаруй сургууль байгааг УОК-ын дарга С.Амарсайхан мэдээллээ.
Тэрбээр "Өнөөдрийн байдлаар танхимын сургалтаас цахимд шилжсэн 200 гаруй сургууль байна. Цахимд шилжих хүсэлтээ гаргаж байгаа 300 гаруй сургууль байна. Нөхцөл байдал гайгүй болохоор эргээд танхимаар хичээллэнэ. Энэ асуудал халдварын нөхцөл байдлаас ихээхэн шалтгаална. Сургуулийн орчинд авч хэрэгжүүлэх арга хэмжээ, халдваргүйтэл ариутгалын асуудлууд байна" гэлээ.
