Хилийн 0108 дугаар ангийн ахлах ахлагч, спортын мастер Т.Рэнцэнбадам өмнөд хилээс умард хил хүртэл 1100 км-ын холын гүйлт хийж байгаа. Тэрбээр замынхаа 61 хувь буюу 675 км-ыг туулсан өнөөдөр Улаанбаатар хотоор дайран өнгөрч байна. Түүнийг Улаанбаатар хотод угтан авах ажиллагааг ХХЕГ-аас зохион байгууллаа.

Тэрбээр үргэлжлүүлэн гүйх бөгөөд ирэх есдүгээр сарын 17-нд хилчдийнхээ баяр өдөр хойд хилд бариандаа орох юм.

Ингээд ХХЕГ-ын удирдлагууд түүнд баяр хүргэж амжилт хүслээ.