Пентвотер Капитал хөрөнгө оруулалтын сангаас Оюутолгой төслийн гүний уурхайн бүтээн байгуулалтад тулгамдаж буй асуудлыг хөрөнгө оруулагчдад тухайн цагт нь мэдэгдээгүй, АНУ-ын хууль тогтоомжыг зөрчсөн үндэслэлээр Рио Тинтогийн эсрэг нэхэмжлэл гаргажээ.
Тодруулбал, "Рио Тинто компани гүний уурхай ашиглалтад орох хугацааг хоёр жилээр хойшлох болсон шалтгааныг газрын доорх чулуулгийн нөхцөл байдлаас шалтгаалсан хэмээн тайлбарлаж байсан юм. Тэгвэл шинжээчдийн дүгнэлтээр Оюу толгойн хөрсний чулуулаг хэвийн байсныг илрүүлсэн байна. Хөрөнгө оруулалтын зардал 450 сая ам.доллар болж нэмэгдээд байсан билээ.
Ташрамд дурдахад, Оюу толгой гүний уурхай төслийн талаар 2018 оноос хойш хөрөнгө оруулагчдад худал мэдээлэл өгсөн байж болзошгүй талаар Их Британы зохицуулах байгууллагууд "Рио Тинтог" шалгаж байж магадгүй мэдээлэл ч бас байна.
