Хилийн 0108 дугаар ангийн спортын мастер, ахлах ахлагч Т.Рэнцэнбадам өмнөд хилээс умард хил хүртэл 1100 километрийн холын гүйлт хийж байгаа. Өнөөдрийн байдлаар нийт 565 км гүйгээд байна. Тэрбээр Монгол Улсын өмнөд хил болох Замын-Үүд боомтоос хойд хил болох Алтанбулаг боомт хүртэл нийт 1100 км зам туулахаар 2021 оны наймдугаар сарын 01-ний өдрөөс эхлэн аялалдаа гарсан юм.

Ташрамд дуулгахад, Т.Рэнцэнбадам олон өдрийн гүйлтийн төрлөөр гүйж байна. Олон өдөр хол замыг туулах учир өдөрчилсөн төлөвлөгөөний дагуу амралтаа зохицуулан гүйж байгаа юм гэж ХХЕГ-аас мэдээллээ.