"Токио 2020" зуны олимпт Монгол улсыг төлөөлөн барилдаж, мөнгөн медаль хүртсэн Саид Моллай Засгийн газарт гомдож, өөрийг нь дэмжихгүй байна хэмээх байр сууриа илэрхийлсэнтэй холбоотойгоор Биеийн тамир спортын газраас хэвлэлийн хурал хийлээ. Энэ үеэр "Токио-2020" зуны олимпын наадамд хүрэл медалийн төлөө өрсөлдсөн бүх тамирчдад Монгол Улсын Ерөнхий сайд батламж, мөнгөн урамшуулал олгохоор болсон талаар Биеийн тамир спортын газрын дарга Ц.Шаравжамц хэллээ.

Зуны олимпын XXXII удаагийн наадамд дараах тамирчид хүрэл медалийн төлөө барилдсан байдаг. Тодруулбал,

-Чөлөөт бөхийн эмэгтэйчүүдийн 68 кг жинд МУГТ С.Батцэцэг

-Чөлөөт бөхийн эмэгтэй 57 кг-ын жинд Б.Хонгорзул

-Чөлөөт бөхийн эрэгтэйчүүдийн 125кг-ын жинд М.Лхагвагэрэл

-Хүндийн өргөлтийн эмэгтэйчүүдийн -87 кг жинд МУГТ М.Анхцэцэг

-Чөлөөт бөхийн эмэгтэйчүүдийн 50 кг-ын жинд Ц.Намуунцэцэг