Сүүлийн үед үер, усны ослоор амь насаа алдах хүмүүсийн тохиолдол нэмэгдэх хандлагатай болсон. Тэгвэл ахин нэг харамсалтай хэрэг гарсан нь Архангай аймгийн Батцэнгэл сумын Дэл багийн “Сүүл толгой” гэдэг газар /аймгийн төвөөс зүүн хойд зүгт 70 км, сумын төвөөс баруун урд зүгт 13 км-т/ “Хангах”-ын голын эрэгт 2 хүүхэд тоглож байгаад 1 хүүхэд нь живсэн харамсалтай хэрэг гарчээ.

Тус сумын Засаг даргын Тамгын газрын ажилтнууд эрэн хайх ажиллагааг хийж, 12:35 цагт нийслэлийн Сүхбаатар дүүргийн 11 дүгээр хорооны харьяат иргэн И /7 настай, эрэгтэй/-ийн цогцсыг гаргасан байна.

Иймд эцэг эхчүүд та бүхэн өөрсдийн үр хүүхэддээ тавих хараа хяналтаа сайжруулан, гол усны аюулаас сэрэмжтэй байхыг анхааруулъя.