"Токио-2020" наадамд Монгол улсын баг тамирчид хүч сорьсоор байна. Тухайлбал, хүндийг өргөлтийн 87 кг-д М.Анхцэцэг энэ удаагийн олимпын наадамд дөрөвдүгээр байранд орсон билээ. М.Анхцэцэг тэмцээний дараа өөрийн сэтгэгдлээ ийн хуваалцжээ. Тэрбээр "4 жилийн өмнө 18 настай олимпод оролцож байсан М.Анхцэцэг, одоо байгаа М.Анхцэцэг хоёр тэс өөр. Би 3 жилийн өмнө ээж болсон. Цаашид хичээж олимпын алтан медаль хүртэж ард түмэндээ бэлэг барина. Дэмжиж тусласан бүх хүмүүстээ баярлалаа" хэмээжээ.