Эрэгтэйчүүдийн 81 кг-ын хамгийн хүнд өрсөлдөгчдийн нэг, Азийн АШТ-ий нэг мөнгө, хоёр хүрэл медальт Саид Моллай алтан медалийн төлөө Таканори Нагасетай барилдаж ялагдсанаар олимпын наадмаас мөнгөн медаль хүртэж, энэ олимпоос авсан Монгол Улсын медалийн өнгийг өөрчилж чадлаа. Ийнхүү одоогийн байдлаар Монол Улс олимпын наадмаас нэг мөнгө, хоёр хүрэл медаль хүртээд байна.
Олимпын аварга болох чин хүсэлтэй очсон тэрбээр Монголын ард түмний итгэлийг алдсангүй. Саид Моллай бол Монголын нэрийн өмнөөс барилдаж байгаа анхны гадаад тамирчин юм. Түүнээс өөр Монгол түмнийг төлөөлөн олимпт өрсөлдсөн легионер тамирчин байхгүй гэдгийг тэмдэглэн үлдээх нь зүйтэй.
Х.Умаахан
