Нийслэлийн Чингэлтэй дүүргийн 17 дугаар хороо, “Зүрх-Уул” гэдэг газар Хөгжлийн бэрхшээлтэй нэг хүн төөрсөн дуудлага өнгөрөгч долдугаар сарын 19-ны өдөр бүртгэгдсэн. Дуудлага бүртгэгдсэнээс хойш хугацаанд тус дүүргийн Онцгой байдлын хэлтсийн Гал түймэр унтраах, аврах 10 дугаар анги, Чингэлтэй дүүргийн Цагдаагийн 2 дугаар хэлтсийн алба хаагчид, ар гэрийнхэн 32 настай хөгжлийн бэрхшээлтэй иргэн Н-г Сонгинохайрхан дүүргийн 24 дүгээр хорооны “Бумбатын-Ам”, “Нумтын-Ам”, “Чулуутын-Ам”, “Хустайн-Ам”, “Шороотын-Ам”, “Баянбуурал” амралт зэрэг газруудаар 80 км-т явган болон автомашинтай эрэн хайх ажиллагааг зохион байгуулсан боловч одоог хүртэл үр дүнд хүрээгүй байна. Эрлийн ажиллагааг өнөөдөр буюу долдугаар сарын 22-ны өглөөний 07:30 цагт дахин эхлүүлсэн талаар албаныхан мэдээллээ.