УОК-оос Үндэсний их баяр наадмыг цахимаар тэмдэглэх шийдвэрийг хойшлуулах тухай саналаа Засгийн газарт хүргүүллээ. Тэгвэл баяр наадмын өдрүүдээр ес хоног нийтээр амрах шийдвэрийг хэвээр үлдээх эсэхээ маргааш шийдвэрлэнэ гэв. Тодруулбал, энэ сарын 16-ны ажлын өдрийг 24-ний амралтын өдөрт шилжүүлсэн юм. Энэ талаар ХЗДХ-ийн сайд Х.Нямбаатар "Наадмын амралтын талаар давхар зохицуулалт хийх шаардлагатай байгаа. Саяхан Засгийн газрын хуралдаанаар зохицуулалтыг гаргасан. Үүнийг Засгийн газар өөрийнхөө бүрэн эрхийн хүрээнд хэрхэхээ маргааш эцэслэж шийдвэрлэнэ" гэв.