УОК хуралдаж, Үндэсний их баяр наадмыг хойшлуулах саналаа Засгийн газарт оруулахаар шийдвэрлэжээ. Энэ тухай Засгийн газрын гишүүн, ХЗДХ-ийн сайд Х.Нямбаатар мэдээлэл өгөв. Тэрбээр "Засгийн газар маргааш ээлжит бусаар хуралдаж, хуралдаанаар Үндэсний их баяр наадмыг хойшлуулах эсэх саналыг эцэслэн шийднэ.ЭМЯ болон бусад холбогдох мэргэжлийн байгууллага, эрдэмтэн судлаачид энэ удаагийн Үндэсний баяр наадмыг хойшлуулах нь цар тахлын давалгааг багасгах, хумих боломжтой гэсэн дүгнэлтийг гаргасан. Энэ хүрээнд УОК-оос наадмыг бүтэн жилээр хойшлуулах санал гаргасан.

Нийтээр тэмдэглэн өнгөрүүлэх баярын хуулинд 7 сарын 11-15-ны өдрүүдэд Үндэсний их баяр наадмыг тэмдэглэн өнгөрүүлэхээр шийдвэрлэсэн байдаг" гэлээ.