Төв аймгийн Эрдэнэ сумын Чулуут багийн “Хагийн хар нуур” гэдэг газар самар түүхээр яваад сураггүй болсон иргэнийг эрэн хайх ажиллагааг эхлүүлжээ. Тодруулбал, Багануур дүүргийн харьяат хоёр хүн самар түүхээр энэ сарын 15-ны өдөр “Хагийн хар нуур” гэдэг газрын чиглэлд явсан бөгөөд энэ сарын 20-ны өдөр нэг хүн нь гэрлүүгээ буцна гэж яваад сураггүй болсон байна. Тиймээс Онцгой байдлын газрын алба хаагчид болон цагдаагийнхан хамтран энэ сарын 28-ны буюу өчигдөр орой 20:14 цагт 47 настай иргэн М-ыг эрэн хайхаар ажиллагааг эхлүүлжээ.