Шинэ коронавирусийн тархалттай холбоотойгоор маргааш (2020.02.26) Монгол Улсын Засгийн газар, Улсын Онцгой комисс хуралдахаар болжээ.
Энэ талаар Засгийн газрын ХМОНХХ-ийн дарга Ц.Ганзориг өөрийн фейсбүүк хуудастаа ингэж бичжээ.
Тэрээр "Шаардлагатай бүх арга хэмжээг цаг алдалгүй авч буй байдлын үнэлгээ, цаашдын болзошгүй эрсдэлд бэлэн байх гээд асуудлуудаар Засгийн газар өргөн бүрэлдэхүүнээр маргааш өглөө эртлэн хуралдана. Мөн үргэлжлүүлээд Улсын Онцгой комисс ч хуралдана.
Хурлын бус цагаар Засгийн газар тасралтгүй ажиллаж, олон мянган албан хаагчид зүтгэсээр байна. Хүчээ нэгтгэе" хэмээжээ.
