Венесуэлийн парламент буюу Үндэсний ассамблей ойрын хугацаанд хийхээр төлөвлөж байсан хуралдаанаа цар тахлын улмаас хойшлуулав. "Энэ долоо хоногт парламентад бүх комиссын уламжлалт хэлбэрийн хуралдааныг зохион байгуулахгүй" хэмээн парламентын дарга Хорхе Родригесийн мэдэгдэлд дурдсан байна.
Дөрөвдүгээр сарын 5-наас долоо хоногийн хугацаатай хатуу хөл хориог ээлжит удаагаа сунгах шийдвэр гаргасан тухайгаа Венесуэлийн Ерөнхийлөгч Николас Мадуро өмнө нь мэдэгдсэн юм. Венесуэл хоёрдугаар сарын 18-наас иргэдээ Оросын "Спутник V" вакцинаар дархлаажуулж эхэлсэн байна.
