Японы Окинава мужид далайн ширүүн урсгалын улмаас БНХАУ-ын нэг завь хөмөрчээ. Аврагчид таван хүнийг аварсан боловч өөр таван хүн сураггүй алга болсон тухай Японы эргийн хамгаалалтын газар мэдээлэв.

Мягмар гарагийн өглөөний 8:50 цагийн орчимд далайн эргийн хамгаалалтын алба аюулын дохио авсан тул аврах онгоцоо илгээжээ. Үүнээс 30 минутын дараа онгоц Японы өмнөд мужийн Ишигаки арлаас хойд зүгт 330 км-ийн зайд усанд хөвж буй хөмөрсөн завьтай яваа хүмүүсийг олжээ.

Эргийн хамгаалалтын хэлснээр завь хөмөрсөн ойролцоо усанд байсан Хятадын загас агнуурын хөлөг онгоцноос таван хүнийг аварсан боловч үлдсэн тавыг нь одоог хүртэл олоогүй байна гэжээ.

Эх сурвалж: Kyodo news