Эрүүл мэндийн яамнаас цаг үеийн мэдээлэл хийж байна. ХӨСҮТ-ийн Тандалт судалгааны албаны дарга А.Амбасэлмаа:

"Өнгөрсөн цагийн хугацаанд нийт 14978 хүнд шинжилгээ хийлээ. 34 хүний шинжилгээнд коронавирус илэрлээ. Эдгээр тохиолдлууд нь өмнөх тохиолдлуудын хавьтлууд байна. Улаанбаатар хотын хэмжээнд нийт 1187 тохиолдол, улсын хэмжээнд кластар өвчлөлийн голомтод 1513 тохиолдол бүртгэгдсэн. ХӨСҮТ, Цэргийн төв эмнэлгээс 14 хүн эдгэж гэртээ гарсан. Нийт батлагдсан тохиолдол 2023 болсон байна. 1463 хүн эдгэсэн байна. Одоогоор нийт 547 батлагдсан тохиолдол эмчлэгдэж байна. Үүнээс маш хүнд нэг, хүнд тав, хүндэвтэр 80, хөнгөн 461 хүн эмчлэгдэж байна" гэлээ.