Уран гулгалтын дэлхийн аварга шалгаруулах тэмцээнийг Олон улсын тэшүүрийн холбоо /ISU/ үзэгчгүй зохион байгуулахаар төлөвлөж байна.
Өнгөрсөн онд коронавирусний цар тахлын улмаас тэмцээн цуцлагдсан юм. Харин энэ жил ISU тэмцээнийг Стокгольмд гуравдугаар сарын 22-ноос 28-ны өдрүүдэд зохион байгуулах шийдвэрийг гаргажээ.
Олон улсын тэшүүрийн холбооны зөвлөл нэгдүгээр сарын 25-наас 31-ний хооронд Загреб хотод зохион байгуулахаар төлөвлөж байсан Европын аварга шалгаруулах тэмцээн болон Бээжин хотод өнгөрсөн 12 дугаар сард болох ёстой байсан Гран-при, Харбин хотод болох өсвөрийн аварга шалгаруулах тэмцээнүүдийг коронавирусний улмаас цуцалсан юм.
