Улсын Онцгой комиссоос Дүнжингаравын уулзварт болсон осолтой холбогдуулан хяналт шалгалтыг дөрөвдүгээр сарын 4-нд танилцуулсан. Энэ үеэр дэлбэрэлтэд өртсөн 207 дугаар байрны багана, дам нуруунд үүссэн ан цав өргөний хэмжээ нь барилгын норм дүнгээс тав дахин их, мөн газар хөдлөлтөд тэсвэргүй гэх дүгнэлт гарсан юм.
Энэ талаар ОБЕГ-ын дарга Г.Ариунбуянгаас тодруулахад "Ажлын хэсэг ажиллаж байгаа. Барилга байгууламжийн чанар, цаашид ашиглах боломжтой эсэхэд БХБЯ-ны ТНБД-аар ахлуулсан ажлын хэсэг ажиллаж байгаа. Дүгнэлт эцэслэгдэж гараагүй байгаа. Тэр мэдээлэл манайд ирээгүй байна" гэлээ.
