Өнгөрсөн долоо хоногт СХД-ийн Баянхошуунд байрлах "Миний сүлжээ" дэлгүүрт гал гарч, галыг унтраахаар ажиллаж байсан нэг алба хаагч амиа алдсан харамсалтай хэрэг гарсан. Тэгвэл тус алба хаагч тэтгэвэртээ гарах хүсэлтээ удаа дараа өгсөн ч ОБЕГ-ын удирдлагууд хүлээж аваагүй гэх мэдээлэл гараад байсан.

Энэ талаар ОБЕГ-ын дарга Г.Ариунбуянгаас тодруулахад "Амиа алдсан албан хаагч тэтгэвэрт гарах хүсэлтээ өгч байгаагүй. Тэтгэвэрт гарах талаараа ар гэрийнхэндээ хэлж байсан юм билээ. Талийгаачийн ар гэрт 10 жилийн үндсэн цалинтай тэнцэх тэтгэмж олгоно. Мөн нийслэл дүүргээс орон сууц олгох асуудал яригдаж байгаа" гэх мэдээллийг өглөө.