Дорноговь аймгийн Замын-Үүд сумын Жаргалант багийн авто зогсоолд ачааны автомашин шатаж байна гэсэн дуудлага 2026 оны зургаадугаар сарын 8-ны өдрийн 20:22 цагт онцгой байдлын байгууллагад ирсэн байна. Дуудлагын дагуу тус аймгийн Онцгой байдлын газрын Замын-Үүд сум дахь 17 дугаар алба хаагчдыг очиход Өмнөговь аймгийн Даланзадгад сумаас БНХАУ-ын чиглэлд тус бүр 33 тн буталсан дугуйны бэлдэц тээвэрлэж явсан иргэн Э-ын “Beiben North Benz ND4250” загварын зүтгүүр, иргэн Х-ийн “Beiben North Benz ND4257” загварын зүтгүүр тус тус шатаж байсныг ажиллаж унтраажээ. Галын улмаас хүн бэртэж, гэмтээгүй байна.
Сэтгэгдэл (0)
Анхаар!
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд хариуцлага хүлээхгүй. !!!