Увс аймгийн Улаангом-Наранбулаг чиглэлийн автозам цасанд боогдож, Тошилт хөтөл, Зостын хөтөл орчмоор их хэмжээний цас орсон тул Улаангомоос гарах хөдөлгөөнийг тавдугаар сарын 21-ний өдрийн 10.00 цаг хүртэл хаах шийдвэрийг Увс аймгийн онцгой байдлын газраас гаргажээ.
Аймгийн онцгой байдлын газрын 20 гаруй алба хаагч, 3 техник хэрэгсэлтэй хоёр чиглэлд ажиллаж байна.
Баруун аймгуудын нутгаар хүчтэй салхи, шороон шуурга, нөөлөг салхи, нойтон цасны аюултай үзэгдэл ажиглагдаж байгаа талаар цаг уурын байгууллагаас анхааруулж, замд гарахдаа анхаарал болгоомжтой байхыг мэргэжлийн байгууллагуудаас анхааруулсаар байгаа юм.
