Төсвийн байнгын хороо, Эдийн засгийн байнгын хорооны хамтарсан хуралдаан болж байна. Хуралдаанаар Монгол Улсын нэгдсэн төсвийн 2027 оны төсвийн хүрээний мэдэгдэл, 2028-2029 оны төсвийн төсөөллийн тухай хуулийн төсөл /Засгийн газар 2026.05.01-ний өдөр өргөн мэдүүлсэн, хоёр дахь хэлэлцүүлэг/ хэлэлцэж байна. Энэ үеэр УИХ-ын гишүүн Л.Гантөмөр "Монголын парламент нэг жилийн дотор ийм сул дорой болж болохгүй, нөхдүүд ээ. НӨАТ-ын буцаан олголтыг нэмэгдүүлнэ гээд Г.Занданшатар нарын хүмүүс бүтэн жил популизм хийсэн. Гэтэл түүнийгээ хүчингүй болгоно гэж байна" гэв.