Хоолны газарт засвар хийж байхад барилгын хана нурж, 15 настай хүүхэд дарагдаж нас барсан харамсалтай хэрэг гарчээ. Энэ талаар ЦЕГ-аас тодруулахад "Цагдаагийн байгууллагад "БГД-ийн 15-р хороо "Кимбаб Чонгүг" хоолны газарт засвар хийж байхад барилгын хана нурж хүн дарагдаж нас барсан " гэсэн дуудлага, мэдээлэл тавдугаар сарын 18-ны 12:30 цагт ирсэн.
Дуудлагын дагуу шалгахад, цагийн ажил хийж байсан 15 настай эрэгтэй барилгын хана нурааж байгаад дарагдаж нас барсан байж болзошгүй нөхцөл байдлыг бүртгэж, мөрдөн шалгах ажиллагааг үргэлжлүүлж байна" гэлээ.
