УИХ-ын гишүүн Н.Алтаншагай тэргүүтэй гишүүдийн өргөн мэдүүлсэн "Гадаад зээлийн ашиглалтыг нэмэгдүүлэх" хуулийн төсөл эцэслэн батлагдах үйл явц дээр олонхын санал авч чадаагүй тул унасан. Тэгвэл Засгийн газраас дээрх хуулийн төслийг боловсруулж яаралтай горимоор УИХ-д өргөн мэдүүлээд буй. Ингэхдээ Сэлбэ дэд төвийн төслийг хуулийн төслөөс хасаж, Эрдэнэбүрэнгийн УЦС, Газрын тос боловсруулах үйлдвэрийн төслийг багтаасан юм.

Учир нь дээрх төслүүдийн гадаад зээлийн зарцуулалт хангалтгүй байгаа тул хугацаандаа ашиглалтад ороход хүндрэлтэй байдал үүссэн гэж үзэн, яаралтай горимоор хуулийн төслийг өргөн бариад буй.

Тэгвэл яаралтай горимоор хэлэлцэхийг УИХ дэмжээд буй уг хуулийн төслийг ирэх долоо хоногийн байнгын хороо болон чуулганы хуралдаанаар хэлэлцэхээр төлөвлөсөн байна.