УИХ дахь намын бүлгүүд хуралдаж байна. Тухайлбал АН-ын бүлгийн хурлаар Боловсролын яамнаас боловсролын салбарт хэрэгжүүлэхээр төлөвлөж буй “Монгол хүүхэд, залуусыг мэдлэг, ур чадварын хоцрогдлоос чөлөөлье” стратегийн танилцуулга, мэдээллийг сонссон юм.

Улмаар 14.00 цаг хүртэл бүлгийн хурал түр завсарласан бөгөөд 14.00 цагаас Татварын багц хуулийн төслийн танилцуулга, мэдээллийг сонсох аж. Татварын багц хуулийг УИХ-аар хэлэлцэх эсэх нь энэ долоо хоногийн баасан гарагийн чуулганы хуралдааны хэлэлцэх асуудлын тов дараалалд багтаад буй.