Сүхбаатар аймгийн Онгон сумын харьяат аймгийн хурц арслан Н.Өсөхбаяр өнгөрсөн наадмаар 512 бөхөөс үзүүрлэсэн. Тэрбээр гарди цол хүртсэн ч наадмын допингийн шинжилгээнд бүдэрч, гарди цолоо хураалгаж, барилдах эрхээ гурван жилээр хасуулаад буй. Түүний шинжилгээнээс илэрсэн бодис бүх цаг үеийн түүхэнд хориотой бодис байсан хэмээн Үндэсний допингийн эсрэг байгууллагаас мэдээлсэн юм.
Харин аймгийн хурц арслан Н.Өсөхбаяр уг шийдвэрийг эсэргүүцэж, Монголын олон улсын ба Үндэсний спортын арбитрын дэргэдэх допингийн давж заалдах комисст хандсан.
Тус маргааныг шийдвэрлэх хуралдаан өнөөдөр болж байгаа бөгөөд тэрбээр тус хуралдаанд өөрийн биеэр оролцож буй. Мөн хуралдаан түр завсарлаад байна.
