УИХ-ын чуулганы хуралдаан үргэлжилж байна. Хуралдаанаар Монгол Улсын нэгдсэн төсвийн 2027 оны төсвийн хүрээний мэдэгдэл, 2028-2029 оны төсвийн төсөөллийн тухай хуулийн төслийн нэг дэх хэлэлцүүлгийг хийж байна.

Энэ үеэр УИХ-ын гишүүн Д.Цогтбаатар "4.8 их наядыг үрж байгаа Т.Аубакир сайд хэдэн хүнийг халамжаас гаргав. Та яагаад 2 жил ажил хийхгүй суучихаж байгаа юм бэ" гэв. Түүний асуултад ГБХНХ-ын сайд Т.Аубакир "Одоо өгч буй халамжаас алийг нь хасах юм. 2025 онд 2.4 их наяд төгрөгийн халамж тараасан. Хүүхдийн мөнгө халамж юм уу" гэлээ.