Засгийн газрын ээлжит хуралдаан боллоо. Хуралдаанаас гарсан шийдвэртэй холбоотойгоор холбогдох салбарын сайд, дарга нар мэдээлэл өгсөн юм. Энэ үеэр ЗГХЭГ-ын дэд дарга Д.Цолмон Хуримтлалын сантай холбоотойгоор мэдээлэл өгөв. Тэрбээр "2025 оны эцсийн байдлаар Хуримтлалын сан дахь иргэдийн нэрийн дансанд 306 мянган төгрөг байна. 2026 оны эцэст 500 мянган төгрөгт хүрэхээр тооцоололтой байна" гэв.