Японы мэргэжлийн сүмо бөхийн их аварга Хакухо М.Даваажаргал коронавирусийн халдвар авсан гэх мэдээлэл байна. Энэ талаар манай улсад амьдардаг "Михачи" компанийн гүйцэтгэх захирал Ибукуро Томоко гэх бүсгүй жиргэсэн байна. Мөн Сүмогийн холбооноос энэ талаар мэдээлэл хийсэн ч дэлгэрэнгүй тайлбар өгөөгүй аж.
Хакухо корона туссан гэнэ. Залуу хүн гайгүй биз дээ.
— Tomoko (@TomokoIbukuro) January 5, 2021
Их аварга Хакухо М.Даваажаргал өнгөрсөн онд Япон улсын иргэншил авсан бөгөөд 18 жилийн турш сүмогийн спортоор хичээллэсэн учраас цаашид сүмо бөхийн төлөө ажиллахын тулд ийм шийдвэр гаргасан талаараа хэлж байсан юм.
Япон улсад одоогоор 245293 хүн коронавирусийн халдвар аваад буй гэсэн статистик мэдээ байна.
