НИТХ-ын төлөөлөгч Ү.Оюунзул “Үндэсний цэцэрлэгт хүрээлэн”-гийн ОНӨТҮГ-ын даргаар эргүүлэн томилогджээ. Тэрбээр 2020 онд НИТХ-ын төлөөлөгчөөр сонгогдож, улмаар 2021 оноос “Үндэсний Цэцэрлэгт хүрээлэн” ОНӨТҮГ-ын даргаар ажиллаж байв. Ингээд 2025 оны хоёрдугаар сард ажлаа хүлээлгэн өгсөн юм. Улмаар Гэрлэх ёслолын ордны захирлаар 2025 оны хоёрдугаар сард томилогдон ажиллаж байгаад дахин дөрөвдүгээр сарын 1-ний өдрөөс “Үндэсний цэцэрлэгт хүрээлэн”-гийн ОНӨТҮГ-ын даргаар эргүүлэн томилогдоод байна.

Тэрбээр Монгол Улсын их сургуулийг Улс төр судлаач, нийгмийн ухааны багш мэргэжлээр төгссөн. Төрийн захиргааны удирдлагын магистр зэрэгтэй. Монгол Ардын намын дэргэдэх НАМЗХ-ны нарийн бичгийн дарга, НАМЭХ-ны Ерөнхий нарийн бичгийн дарга, Стратеги академийн дэргэдэх “Улс төрийн боловсролын институтын захирлаар ажиллаж байсан нэгэн юм.