Төсвийн байнгын хороо хуралдаж байна. Хуралдаанаар Аж ахуйн нэгжийн орлогын албан татварын тухай хуульд нэмэлт оруулах тухай /Улсын Их Хурлын гишүүн П.Сайнзориг, Б.Бат-Эрдэнэ нар 2026.03.19-ний өдөр өргөн мэдүүлсэн, хэлэлцэх эсэх/ асуудлыг хэлэлцэж байна. Энэ үеэр УИХ-ын гишүүн П.Сайнзориг "Төрийн хэмнэлтийн хууль болон тендерийн хууль чинь Монгол Улсын төсвийг 6-хан сарын настай болгож байгаа шүү. Бид энд төсөв баталж байхад эдгээр хуулиар тавдугаар сарын 31-нээр бүх хөрөнгийг нь хураагаад авчихаж байна. Ингэж УИХ-ын гишүүдийн бүрэн эрхэд халдаж болж байгаа юм уу" гэв.
