Ардчилсан намын дотоод сонгууль аймаг, дүүргийн намын дарга нарын сонгуулиар эхэлсэн. Харин ирэх сарын 5-нд болох нийслэлийн АН-ын даргын сонгуульд УИХ-ын гишүүн Ө.Шижир нэр дэвших хүсэлтээ өгсөн талаар бид өчигдөр мэдээлсэн. Тэгвэл УИХ-ын гишүүн Ө.Шижир нэрээ татсан бөгөөд Ардчилсан залуучуудын холбооны Ерөнхийлөгч Б.Ган-Очир өрсөлдөгчгүйгээр буюу ганцаараа нэр дэвшиж байна.
Б.Ган-Очир өмнө нь 2013 онд Ерөнхий сайд Н.Алтанхуягийн зөвлөхөөр ажиллаж байсан бол үүний дараа:
- МУИС-ийн Эрүүгийн эрх зүйн тэнхим багш,
- Монголын эдийн засгийн форум ТББ-ын Ерөнхий нарийн бичгийн дарга,
- Ардчилсан намын Нарийн бичгийн дарга,
- Ардчилсан намын Хэрэг Эрхлэх газрын даргын албан тушаалыг тус тус хашиж иржээ.
Дашрамд, Нийслэлийн Ардчилсан нам ирэх дөрөвдүгээр сарын 5-нд хуралдаж, шинээр сонгогдсон намын хорооны дарга, гишүүдээ албан ёсоор батламжилна.
