BLAST Open Spring 2026 тэмцээний А хэсгийн хоёр дахь тоглолтууд өнгөрсөн шөнө болж өнгөрлөө. "Aurora" баг "FURIA"-г 2:0 харьцаатайгаар хожиж, "NAVI" "Falcons" багийг 2:1 харьцаатайгаар буулган авсан байна. Ингэснээр дараагийн шатанд "Aurora" болон "NAVI" багууд учраа таарч байна. Хоёр баг өнгөрөгч долоо хоногт болсон ESL Pro League Season 23 тэмцээний финалын шатанд таарч 3:1 харьцаатайгаар "NAVI" ялалт байгуулсан.
Харин "FURIA" болон "Falcons" багууд тэмцээний доод хэсгээс тоглолтоо үргэлжлүүлэхээр болж байна. Хожвол тэмцээнээ үргэлжлүүлж ялагдал хүлээвэл энэ удаагийн тэмцээнээ өндөрлүүлэх юм. Өнөөдөр шөнө энэхүү тэмцээний B хэсгийн тоглолтууд болно.
