Аюулгүй байдал, гадаад бодлогын байнгын хороо хуралдаж байна. Хуралдаанаар Нийгмийн хамгааллын тухай Монгол Улс болон Бүгд Найрамдах Австри Улс хоорондын хэлэлцээр соёрхон батлах тухай хуулийн төслийг хэлэлцлээ. Энэ үеэр тус байнгын хорооны дарга Г.Тэмүүлэн "Гадаадад хараар ажиллаж байгаа иргэдээ буцаан татаж, ажлын байраар хангах асуудлыг хөндөх ёстой. Ажилгүйдлийн түвшнийг бууруулахад яам ямар бодлого баримталж байна вэ" гэлээ. Түүний асуултад Гэр бүл, хөдөлмөр нийгмийн хамгааллын яамны ТНБД Л.Мөнхзул "Ирэх жил халамж авч буй 5 мянган өрх дээр ажиллаж, хөдөлмөр эрхлэлтэд шилжүүлэх зорилт дэвшүүлж байна" гэлээ.
