Сүүлийн өдрүүдэд өсвөр насны охидууд нэгнийгээ хэрцгийгээр бүлэглэн зодсон хэрэг олон нийтийн шүүмжлэлийг дагуулаад буй. Тэгвэл үе тэнгийн дээрэлхэлттэй холбоотой асуудалд ямар хөтөлбөр хэрэгжүүлэх ёстой талаар Хотын даргын орлогч А.Амартүвшин "Үе тэнгийн дээрэлхэлт гэр хорооллын сургуулиудад бараг байхгүй. Харин төвийн байршил дахь улсын болон хувийн төлбөртэй сургуулиудад үйлдэгдэж байна. Манай охин хүртэл өртөж байсан. Төлбөртэй сургуулиудад хүүхдүүд нэгнээ эдэлж хэрэглэж буй зүйл, эд хөрөнгөөр нь дээрэлхдэг" гэв.