Валют солиулахаар 244 сая төгрөг шилжүүлж, залилуулжээ. Тодруулбал, энэ оны нэгдүгээр сарын 18-ны өдөр "Валют солиулахаар мөнгө шилжүүлж, залилуулсан" гэх гомдол мэдээлэл цагдаагийн байгууллагад бүртгэгдсэн. Уг гомдол мэдээллийн дагуу цагдаагийн байгууллагаас шалгалтын ажиллагааг явуулахад иргэн М нь Чингэлтэй дүүргийн нутаг дэвсгэрт байхдаа зургаан удаагийн гүйлгээгээр 244 сая төгрөгийг бусдад шилжүүлж, залилуулсан байна. Цагдаагийн байгууллагаас шуурхай арга хэмжээ авч, 123 сая төгрөг байршиж байсан холбогдох дансанд барилт хийж уг хэргийг үргэлжлүүлэн шалгаж байна.