Энэ сарын 24-ний өдөр Дотоодын цэргийн 05 дугаар ангид цэргүүд нэгнээ "Үгэнд орсонгүй" гэх шалтгаанаар зодсон хэрэг гарсан билээ. Тэгвэл зодуулсан цэргийн ээж хэвлэлд мэдээлэл өглөө. Тэрбээр "Хүүгийн маань биеийн байдал хүнд байгаа. Эрүүндээ гурван хугаралтай, Лхагва гарагт яаралтайгаар хагалгаанд орох гэж байна. Юм ярьж чадахгүй, хоол унд идэж чадахгүй байгаа. Эрүүл саруул хүүхдээ энэ 05 дугаар цэргийн ангид өгсөн. Гэтэл өнөөдөр залуу сайхан насанд нь эрэмдэг болгоод надад өгч байна. Би гомдолтой байна. Зодсон цэрэг нь өнгөрсөн 4 дүгээр сард татагдсан хал цэрэг нь юм билээ. Цэргийн ангиас над руу холбогдож, яриагүй. Би явах газраар нь явна" гэлээ.