Дэлхийн эдийн засгийн 56 дугаар чуулга уулзалт Швейцарын Холбооны Улсын Давос хотноо гурав дахь өдрөө үргэлжилж байна. “Яриа хэлэлцээний амин сүнсийг сэргээх нь (A Spirit of Dialogue)” сэдвийн дор зохион байгуулагдаж буй энэ удаагийн чуулга уулзалтад 60 гаруй улсын төр, засгийн тэргүүн оролцож буй бөгөөд АНУ-ын Ерөнхийлөгч Дональд Трамп, Владимир Зеленский, Германы Канцлер Фридрих Мерц тэргүүтэй дэлхийн томоохон лидерүүд багтаад байгаа билээ. Сонирхуулахад, АНУ-ын Ерөнхийлөгч Дональд Трамп болон тухайн улсаас оролцож буй зочид төлөөлөгчдийн цуваа нийт 50 машинаас бүрдэж байна.
