Эрчим хүчний сайд, яамны Төрийн нарийн бичгийн даргаар ажиллаж байгаад "ТЭЦ-4" ТӨХК-ийн гүйцэтгэх захирлаар томилогдоод удаагүй байсан Н.Тавинбэх болон түүний хамаарал бүхий зарим этгээдийг албан тушаалын байдлаа урвуулан ашиглаж бусдад давуу байдал бий болгосон, үндэслэлгүй хөрөнгөжсөн гэх гэмт хэрэгт яллагдагчаар татаж, цагдан хориод буй.
Тэгвэл эл хэргийн талаар Эрчим хүчний сайд Б.Чойжилсүрэнгээс тодруулахад "Н.Тавинбэхийг шалгагдаж байсныг мэдээгүй. Хэрэгт холбогдсоноос нь хойш уулзаж амжаагүй явна. Хэрэг үнэн зөв шалгагдах байх гэж найдаж байна. Би хууль зөрчсөн нь үнэн бол Н.Тавинбэхийн хэрэгт хамт шалгуулахад бэлэн" гэлээ.
