"Дулааны цахилгаан станц-4"-ийн халаах гадаргууд гэмтэл гарсны улмаас нийслэл болон ойролцоох зарим аймагт цахилгааны хязгаарлалт хийж эхэлсэн. Эл нөхцөл байдалтай холбоотойгоор өнөөдрийн Засгийн газрын хуралдаанаар “ДЦС-4”-д гарсан гэмтэлд авах арга хэмжээний талаар хэлэлцэж байгаа билээ. Тэгвэл 11 цагт Эрчим хүчний сайд Б.Чойжилсүрэн ДЦС-4-т гарсан осол, хариу авч хэрэгжүүлж буй шуурхай арга хэмжээний талаар мэдээлэл хийхээр болжээ. Түүнчлэн энэ үеэр ЗГХЭГ-ын дарга С.Бямбацогт “Ажил, амралтын цагийн зохицуулалтын тухай” Засгийн газрын тогтоолын талаар мэдээлэл өгөх аж.